बैशाख ८, २०८२ / 2025-04-20
जनता समाजवादी पार्टी (जसपा) बाट विद्रोह गरी महन्थ ठाकुर, राजेन्द्र महतो, शरत्सिंह भण्डारी, अनिल झालगायतका नेताहरूले २०७९ भदौ १ गते निर्वाचन आयोगमा लोसपा दर्ताका लागि निवेदन दिएका थिए।
पार्टी गठन भएको डेढ बर्ष पछि बसेको पहिलो केन्द्रिय समिति बैठकमै चरम विवाद देखिएको छ । पार्टीका बरिस्ठ नेता राजेन्द्र महतोले बैठक नै बहिष्कार गरेका छ्न भने अर्का नेता अनिल झा पनि अनुपस्थित रहेका छ्न ।
उहाँहरु निकटका केन्द्रिय सदस्यहरु पनि बैठकमा अनुपस्थित रहेका छ्न । लोसपा गठन भएको डेढ बर्ष पछि मात्र ३ सय ११ सदस्य जम्बो केन्द्रिय समिति घोषणा गरेको थियो । उक्त समितिको विवादको कारणले नै पहिलो बैठकमा बरिस्ठ नेताहरूले बहिस्कार गरेका हुन ।
पछिल्ला निर्वाचनहरुमा पार्टीको फितलो प्रदर्सन पछि पार्टीका नेता र कार्यकर्ताहरु निरास नै थिए । पार्टी भित्र उठेको नयाँ विवादले पार्टी भित्र थप समस्या उब्जिएको छ ।
मधेस भित्र नयाँ शक्तिहरु उदाइरहेको बेला लोसपा कमजोर हुँदै गएको छ । २०७४ को निर्वाचनमा चौथो ठुलो दला भएको तत्कालीन राजपा गत निर्वाचनमा राष्ट्रियदल पनि हुन सकेको थिएन ।
